الكل يسال عن( سيدة) بتاعت شارع المدارس

الاستاذ / ااحمد بدر يسال لماذا؟؟؟

أحمد بدر كتب:

استاذنا الفاضل عثمان
انا بس عاوز اعرف الشخص دة بيعمل كدة ليه؟ كمان هو يقدر يأذى المنتدى ازاى ؟ يا ريت توضحلنا عشان لو فيه حاجة نقدر نعملها ولاذم كل الاعضاء اللى بتحب المنتدى وتخاف عليه وتنتمى ليه تعرف القصة وشكرا

عندما قمت بعمل المنتددى سجل شخص ما

باسم ( السيد الطحاوى) تركتة مع المتابعة

بعد يومين سجل شخص باسم(سمير البمباوى)

شكرت سمبر على اشتراكة وجعلتة مشرفا على

على قسم (اعضاء مجلسى الشعب والشورى)

زائر كتب:

عاش اللى قال للرجال عدوا القنال وعاش اللى قال البتانون ولدت رجال
تحية كبيرة جدا الى اخى الحبيب الغالى عثمان الكومى لثقته الكبيرة فى وجعلى مشرفا على غرفة الشعب والشورى وباذن الله اكون عند حسن ظنه وظن الجميع
واتمنى ان منتدى البتانون يكون منتدى لكل اهل البتانون وابناء الدايرة والناس تعرفه فى بتبس والسكرية وكفر البتانون وميت موسى وكل حته لان ده صوت البتانون الحر وهو المنتدى الوحيد الجرئ واللى بيقول كلام الحق وشكرا جدا للجميع
مع وعد بلقاء قريب جداجدا انشر فيه كل ما تنتظرونه منى
مع خالص تحياتى
سمير البمباوى ابن البتانون

وهذا ردى علية

عثمان الكومى كتب:

شكرا000للاخ الفاضل/سمير البمباوى

على كلماتة الرقيقة وعلى تهنئتة للمنتدى ووعدة بان يكون عند حسن

ظن الجميع000

فى الحقيقة كنت فى حيرة من امرى واخرجتنى من هذة الحيرة دون قصد

فمنتدى(اعضاء مجلسى الشعب والشورى)ليس منتدى سهل وهين000

يمكننى ان اضع اى عضو مشرف علية ولكن هنا الامر يختلف لماذ؟

لان الذى سيشرف على هذا المنتدى يجب ان يكون ملما ومصادقا

ومتقربا من الاعضاء كى يكتب المواضيع حقيقية عن اعمالهم000

انجازاتهم 000اهدافهم000 لينقل للقراء صورة حقيقية وواقعية عن

عن جهودهم واعمالهم000 وخدماتهم للجمهور (المعلنة والغير معلنة)

حتى ظهرت انت على الشاشة وشاركت بالمنتدى فاخرجتنى من حيرتى

لانة(لا يفتى ومالك فى المدينة)بمعنى انكم الاقدر على توصيل المعلومة

فى هذا الباب للناس كونك كنت مرشحا لان تكون من الاعضاء000

فهاهو الباب مفتوح على مصراعية لتكتب00وترد على القراء وعلى

اسئلتهم ففى هذا المجال انت الاقدر على ذلك

مع ملاحظة ان تكون الردود دبلوماسية دون اسائة لاحد او تجريح لاحد

انا اعرف ان الحمل سيكون كبير ولكن انت (قدها وقدوود)

اعانك الله على تحمل مسؤولية هذا الباب

واشكركم

بعد ذلك كتبت احدى العضوات هذا الموضوع

نشوى ابو الفتوح كتب:

السيد الاستاذ عثمان الكومى
مشرف منتديات البتانون
ارسل لى العضو السيد الطحاوى اكثر من رسالة بها اراء غريبة وتحذيرات وانه سيدمر المنتدى وقال انه يعرف كل شيئ عن بيانات الاعضاء وكلمات السر وكل شيئ عننا
وقال انه دمر موقع البتانون ولم يعد يظهر على الانترنت بعد تمكنه من دخول لوحة المفاتيح وتغييرها وتعطيل السيرفر
ارجو منك ان تكون حذرا
بالمناسبة هو قال انه يعمل منتدى اخر يحمل اسم البتانون وسيظهر قريبا
اتمنى لك التوفيق

وهذا ردى على العضوة التى كتبت الرسالة

[quote="عثمان الكومى"]

نشوى ابو الفتوح كتب:

السيد الاستاذ عثمان الكومى
مشرف منتديات البتانون

شكرا000شكرا000يا اختنا العزيزة

وارسل لنا كذلك ونحن فى انتظار التدمير

المنتدى ليس خاص بعثمان الكومى

ولكنة خاص ببلدة البتانون التى ينتمى اليها

ما هو الضررمن وجود هذا المنتدى؟

لم نسىء الى احد وثقافة عامة

واعلاء اسم البلد عاليا00

اما كونة سيقوم بعمل منتدى آخر

فهذا شىء جميل جدا000

واتمنى ان يكون هناك ثالث ورابع و0000

لانة سيخلق نوع من التنافس ولمصلحة بلدهم

بشرط ان يكون التنافس شريف

خال من الالفاظ البزيئة والترمية والاهانات للغير

لو نظرنا الى الدولة مثلا فيها

اخبار واهرام وجمهورية ووفدو000و000

حوالى200 صحيفة هذا لايضر دا شىء ممتاز

وانا على استعداد ان اساعدهم (قدر استطاعتى)

واخيرا اتمنى لهم ولبلدهم التوفيق

بعدها كتب هذا الموضوع فى المنتدى

زائر كتب:

الى الاخوة الاعزاء المشاركين فى المنتدى احب اعرفكم ان اخويا وحبيبى لحج عثمان اتصل بيا انهارده وكلفنى اعزمكم جميعا انتم واسركم على الغداء يوم الاتنين الجاى فى منزله بجوار محل الاستاذ طلعت الزهار بالناحية البحرية وسيتم التجمع الساعة 12 الضهر للاحتفال بالعضاء الجداد فى المنتدى ويا ريت كل الناس تكون موجودة لان الحج عثمان اكد عليا كمان عشان نناقش مستقبل المنتدى وننتخب مدير عام مننا وانا شخصيا بارشح الاستاذ سمير البمباوى لانه هو الوحيد اللى بيفهم فى السياسة وكان عضو فى مجلس الشعب وهو صاحب اعلى صوت فى بلدتنا
كلنا بنشكر الحج عثمان على دعوته الكريمة ونحب نعرفه اننا هنردها له فى الافراح ان شاء الله ويا ريت يا جماعة كلنا نتجمع عشان يبقى عيش وملح وكلام فى سركم الحج عثمان وعدنى ان فى فراخ ولحمة ومحشى كرنب ورز مدسوس وحاجات الواحد نسى طعمها من زمان
وفى منتدى خاص للرجالة للكركرة يعنى الجوزة للحبايب بس ماركة قص البرج والوردة والنخلة وكل حاجة احلى مزاج ويعيش منتدى البتانون وصاحبه الراجل المحترم العبقرى الحج عثمان الكومى

فهمت اللعبة وعرفت ان الشخص الذى

استعر من اسمة واسم الشخص المكتوب معة فى البطاقة

وافتخر باسم والدة الحقيقى والغير شرعى(السيد الطحاوى)

قمت بعمل طرد لة وعدم دخول للمنتدى

اكتشف هو ذلك عند دخولة للمنتدى

فدخل المنتدى باسم سمير البمباوى

واتضح ان سمير البمباوى لم يسجل ولكن هذا

الذى يستعر من كتابة اسمة واسم ابوة هو الذى استخدم

الاسم وكتب ما كتب

قمت بالغاء اشتراك سمير البمباوى(ضحية النصاب)

كتب لنا هذة الرسائل

زائر كتب:

على فكرة انا السيد الطحاوى واقدر ادخل المنتدى فى اى وقت بالباسوورد بتاعة اى عضو حتى الباس وورد بتاعتك وانا دلوقتى دخلت بالباسوورد بتاعة سمير البمباوى بعد الحركة العيالى اللى انت عملتها بالغاء اشتراكى
على فكرة انت نهاية المنتدى بتاعك قربت وهادمره لك زى ما دمرته قبل كده هو وموقع البتانون
خلاص انت اللى جنيت على نفسك انت وقعت فى ايد هاكر ما بيرحمشى السيد الطحاوى
على فكرة انا بعت اميلات لكل الناس اللى مسجلين عندك وهييجوا بكرة يتغدوا عندك الساعة 12 الضهر

وهذة الرسالة

زائر كتب:

انت اللى جنيت على روحك

خلال 48 ساعة هادمر لك المنتدى وهاخليه صفحة سودة
كل الباسوورد معايا وهادمر قاعدة البيانات كلها
وهاكد على الناس ييجوا يتغدوا عندك بكرة
السيد الطحاوى

وهذة ارسالة

quote="زائر"]على فكرة لو زودتها تانى مع اى عضو ومنعته من الدخول مش بس المنتدى هيتدمر انا هادمر جهازك كمان واخليه كهنة وما تنفعشى عليه اى نسخة ويندوز وماتعرفش تدخل عليه اى معلومات وممكن اتحكم فيه من على بعد واسحب كل الملفات والافلام اللى انت محملها عليه وانت عارف طبعا دى افلام ايه

قام بالتسجيل باسم

ابو عزة الطحاوى

طبعا حذفتة


انا لا يهمنى عدد الاعضاء بقدر ما يهمنى

اخلاقهم000 ها انتم ترون لا اخلاق ولا ضمير

اذا كان الشخص بيستعر من اسمة واسم ابوة

وينتقى اشخاص تشبة لة( ان الطيور على اشكالها تقع)

كتبت مستنجدا بالحاج ماهر العشماوى

عضو مجلس الشورى

بعنوان
هام وعاجل: الحاج ماهر العشماوى عضو مجلس الشورى

من فضلك ادخل هذا الرابط

https://batanon.yoo7.com/montada-f1/topic-t186.htm


قرا هذا الموضوع 112 عضو ولم يرد علية احد

وعرفت ان الشخص الذى يستعر من اسمة واسم ابوة

( 00000 الجعارة )

و يعمل فى الامارات


ومسجل فى منتدى البتانون الاخر باسم


شارع المدارس

واخيرا سجل فى منتدانا باسم

سيدة القصر المهجور

(سيــــــــــــــدة)

شكرا لك لايضاحك الصورة انما اكتر من كدة مظنش عموما مش هقول غير حسبنا الله ونعم الوكيل

خالص شكري على اهتمامكم و تقديركم

يا حاج عثمان الواد اللي بيهدد ده لو عارفه قولنا هومين او عرف حتي ايميله واحنا هنخليه يحرم يدخل عالنت من اساسه ويا ريت اي واحد يحب يسجل يتصل بحضرتك للتاكد من شخصيته وده حل كويس لغايه منشوف هنعمل ايه في الواد ده وتقريبا ان شاكك في واحد بس مش عايز افضح حد وانا تحت امرك في اي حاجه سواء كانت خاصه بمجلس الشعب والشوري او اي حاجه تانيه

الهاك ليس مجرد كلمات لتلطق من اى انسان ان يدمر موقع او منتدى مهما كان السيرفر الخاص بقة

ولا يمكن لى اى مخلوق ان يتطلع على الخصوصيات الى الاسم الخاص بى المدير العام بدون ان يتفعل على جهازو او الاى بى الخاص بة تحياتى لكل هاكر او مخترق فاحترس ثم احترس انت لا تعلم قدراتنا فى التعامل مع جميع انواع البرامج التى تعكس ظل الاختراق

وشكرا

ياحاج عثمان
ياريت بعد إذنك توضح مين الشخص دا
لإنى بجد نفسوا اعرفه
اشوف مين اللى فارد عضلاته دا
علشان نعرفه إن كان هوا حاجة يعنى عارفها
او فاكر نفسه إنه علامه فيعرف نفسه إنه مازال طفل
لا يفقه شئ اصلا
آسف على إستخدامى اللغة العامية
بس علشان مش واحد يقول انا بعرف يبقى علامة

استاذي الفاضل عثمان الكومي
تحيه شكر وتقدير منكم علي هذا المنتدي الرائع
استاذي العزيز
ااحييكم على هذا العمل الجميل
ولسيادتكم جزيل الشكر والعرفان

السلام عليكم ورحمة الله وبركاته
أخواني وأحبائي وأهل بلدتي البتانون
سعيد جداً بكتابة الأخ ميدو ومشاركته معنا فى المنتدي
والله نستطيع بتجاوب الناس مع المنتدي نشر الأخلاق
الحميده بيننا ونكون قدوه للناس
يقول النبي الأعظم محمد بن عبد الله صلي الله عليه وسلم
{ إنما بعثت لإتمم مكارم الأخلاق }
صدق رسول الله صلي الله عليه وسلم

حياكم الله أستاذ عثمان على رد الفعل الحضاري و الذي ليس بغريب على شخصكم الكريم

مشكور
والله ما قصرت
وجزاك الله خير الجزاء وجعلها في ميزان حسناتك
اللهم اهدنا واهد بنا ووفقنا الي طاعتك
وحببنا في طاعتك
وارض عنا ياكريم ياحنان يامنان ياذا الجلال والاكرام يارب العالمين
اللهم امين

الأخ الحبيب الاستاذ / عثمان الكومي
السلام عليكم ورحمة الله وبركاته
أشكرك شكراً جذيلاً علي سماحة أخلاقك وتقبلك لمشراكات إخوانك
وهذه الاستجابه السريعه تؤكد كرم أخلاقك واحترامك للأخرين
فلك مني ومن كل رجال البتانون الحب والتقدير
يقول الرسول الأعظم صلي الله عليه وسلم
{ ------ من لا يشكر الناس لا يشكر الله ------}
صدق رسول الله صلي الله عليه وسلم

بسم الله الرحمن الرحيم
السلام عليكم ورحمة الله وبركاته
احب اسلم على كل اهلى وناسى الي ما شفتهم من 10 سنين وعاوز اعرفكم كم السعاده الى انا فيها لما عرفت ان فيه حاجه زى دى وخصوصا ان الى ادانى اللنك صديق مقيم فى اليابان وهوه عرفه من واحد مقيم فى انجلترا وانا طبعا مقيم فى السعوديه وده اكبردليل على نجاح المنتدى واهميته خصوصا بالنسبه لينا احنا المغتربين
يعنى نفهم من كده اد ايه الموقع ده مهم لانه بيعمل تواصل مع الاهل والاصدقاء ودى قيمه مهمه ميقدرهاش الا الناس المغتربه الي ما بتصدق تلاقى متنفس من خلاله تقدر تتواصل مع اى حاجه مصريه
فما بالك ان الحاجه دى من قريته وبتخلينا نعرف ونتواصل مع الاهل فى الديرة يا ريت نحافظ على القيمه دى وياريت نزودها ونقويها تحياتى لصاحب الفكره الرائده وصاحب المنتدى الى انا بعتبره من الرواد وربنا يجعله فى ميزان حسناته
وان شاء الله من نجاح الى نجاح

أهلا و سهلا و مرحبا بك يا أستاذ محمد بين أهلك و ناسك و أصدقاءك و حبايبك و ها هو المنتدى يقرب البعيد و يؤلف بين القلوب و يفتح ذراعيه لكل محب و مخلص و وفي للمشاركة و ابداء الرأي في المواضيع الكثيرة و المتنوعة التي يزخر بها المنتدى
و بانتظار مشاركاتك الفاعلة و دمت بكل خير و حفظك الله أنت و كل من معك

السلام عليكم ورحمه الله وبركاته نفسى والله نسيب الكلام ده كله ونتكلم ازاى نرتقى ببلدنا وابناؤها ومدى المستوى التعليمى الذين وصلنا اليه