أسامه الديب
عضـــــــــو جديــــــــــــــد
علـــم الدولــــة : 
 | | موضوع: نكت من الأهرام العربي 6/6/2009, 3:11 am | |
| ومن فقرة - بطبيعة الحال - في ملحق النهار ده اجازة، الى فقرة - نكتة ونكتة، في صفحتي ضحك ولعب بمجلة الأهرام العربي اللتين يشرف عليهما أنس الديب واخترنا لكم بعضها وهي: واحد غبي ركب العربية بالليل ولقى الدركسيون والفرامل مسروقين، فراح القسم وعمل محضر سرقة، تاني يوم الصبح راح لاغي المحضر ليه؟ اكتشف انه كان راكب ورا.
- مرة واحد بلدياتنا قابل واحدة أجنبية وسألها: إنت منين؟ قالت له: وات؟
قالها: أجدع ناس الوتاوتة.
- مرة اتنين مساطيل ماشيين على شريط القطر فواحد بيقول للتاني: يا أخي السلم ده طويل بشكل، رد التاني عليه: اللي مضايقني إن الدرابزين واطي قوي.
- ليه الصعيدي بياخد معاه سلم وهو داخل الحمام؟
عشان الريحة تطلع.
- مرة واحد صعيدي اتجوز واحدة عندها الإيدز جابلها بلهارسيا.
| |
|
المستشار عثمان الكومى
المديـــــــــر العـــــــــــــام
علـــم الدولــــة : 
| | موضوع: رد: نكت من الأهرام العربي 6/6/2009, 4:45 am | |
| اضافة لما قدمة استاذنا اسامة
هذة المجموعة من النكت
لنسرى بها على الاعضاء
ولرسم البسمة والضحكة
على وجوههم
نبدا ان شاء الله من غير تطويل
مدرس في حصة املاء, بيقول للطلبة
'ذهب محمد الى الحديقة يوم الأربعاء'
فواحد من الطلية وقف و قال
يا أستاذ هو الأربعاء همزة على السطر و الا على ألف
المدرس فكر شوية و قاله مشيها السبت
........................................
كلب بيقول لواحد صاحبه
هو
قاله هو
قاله هو
قاله هو
قاله هو هو
قاله لو سمحت ماتغيرش الموضوع
......................................
مرة جماعة راكبين عربية أجرة و مسافرين
و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
................................................
مسطول
واحد مسطول بيسأل واحد مسطول ثاني: اسم دولة أوروبية لو حطيت على أخر
حرف فيها نقطة تبقى اسم عالم ذرة
التاني قال له غلب حماري
راح الأول قال له: الدولة هي قطر ولما تحط نقطة حتصير قطز
راح التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟
..................................................
اتنين بيحششو عند الهرم فواحد بيقول التاني تعرف ان الفراعنة قعدو سنين
يبنو في الاهرامات
التاني قالو يا راجل ليه كدة قالو كل ما يرصو حجرين
يجي البوليس ياخدهم
..................................................
اتنين مساطيل راكبين عربية خبطوا واحد..
فالمسطول اللي سايق بيقول للى جنبة : انزل شوفو..مات ولا لسة..؟؟
نزل المسطول التانى وقال
تعال يمين شوية..ايووه..شمال شوية..بس..اطلع قدام...
اوكى..كده مات
.................................................. .....
واحد أخنف حظه وحش قوي وقع في حفره و فضل مستني لغاية ما واحد جه
و على حظه كان أخنف برضه
الأخنف اللي فوق قال ... استنى شوية .. حاطنّنعك دنوأتي
قاله نببنا يخننيك بسنعة ..
قال لهو كمان بتتنيأ ؟؟؟ طب شوف مين حيطننعكّ
...................................
واحد سكران كان بيعاكس وحدة وحشة اوي بالليل
فكان بيقول لها يا وحشة يا وحشة
راحت ملتفتة ليه وقالت له يا سكران
راح قايل لها طب أنا سكران حفوق بكرة .. وانتي ؟؟؟؟؟
..................................................
واحد كسلان أتحكم عليه بالإعدام بدفنه في حفره
فقالوا له نفسك في أيه قبل الموت
قال نفسي أشرب
قالوا له قوم أشرب
قال لسه حاقوم؟؟ اردم يا جدع
..................................................
اثنين أغبياء فى طياره معديه
الأول قال إنها طياره الرئيس
فقال الثاني إنها مش طياره الرئيس
الأول والله دى طياره الرئيس
الثاني لا مش طياره الرئيس
فاتفقو أي حد معدى يسالوه فعدى واحد فسألوه دي طياره الرئيس
فقالهم يا اغبياء طياره الرئيس بيمشي وراها موتوسكلات
..................................................
وحده تقول لزوجها ادبح خروفين بمناسبة مرور 25 سنه على زواجنا
قال زوجها طيب و إيه ذنب الخروفين في غلطه أنا ارتكبتها من 25 سنه
--------------------------------
حشاشين مونونين
اتنين حشاشين راكبين عربية الأولاني بيقول للتاني
ياعم خلي بالك حنخبط في عامود النور
ياعم خلي بالك حتودينا في داهية
ياعم حاسب بس لنتعور
ياعم حاسب....
في المستشفى الأولاني بيقول للتاني
شفت ياعم مش عمال أقولك حاسب حنتعور
قام التاني قاله ما أنا عمال أقولك انت اللي سايق
..................................................
واحد سكران فتح التلاجة لقي الجيلي بيترعش ..
قاله ماتخفش حاخد عصير
..................................................
واحد صعيدي حب يعمل روش كتب على الشومة أديداس
..................................................
واحد صعيدي ماشي في الشارع لقى قشرة موز ...
قال ييييه حتزحلق تاني
..................................................
واحد صعيدي بيدهن الحيطة ..
قالوله حط جرنال تحتيك ..
قالهم لأ أنا كده طايل كويس
..................................................
واحد ماشي في الشارع بيقول الله يخرب بيتك يا سمير
أمين شرطة ضربه على قفاه و قاله
و كمان مش عارف اسم الريس يا ابن الكلب
..................................................
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟
..................................................
واحد مسطول ماشي في البيت خبط في أمه .. قالتله ايه ما شفتنيش ..
قالها شفتك بس مش فاكر فين
.................................................. ......
مرة حرامي دخل بيت وسرق التلفزيون وجري
قام صاحب البيت جري وراه لية؟؟؟؟؟؟
علشان نسي ياخد الريموت.
..........................................
مر ه واحد صعيدي كان هو واولاده وزوجته في الصحرء وكان معه بندقية
فارغة وهاجمه اسدين واحد يموت برصاصتين وواحد برصاصة
واحدة علشان يموتهم طلق زوجته بالثلاثة واخد الثلاث
طلقات في بندقيته وبعد كده موتهم.
............................................
واحد غبي وقع في حفرة ومش عارف يخرج منها، اول مرة حاول
يخرج معرفش، تاني مرة حاول يخرج معرفش برضه، تالت
مرة قال لو معرفتش اخرج المرة دي هروح
ـــــــــــــــــــــــــــــــــــ
بلديتنا راح ينشر خبر فى الاهرام ملقاش حبل
ـــــــــــــــــــــــــــــــــــ
واحد فقير عدى من قدام الجزار وبص للحمة بتمعن ...
وقال لها حتروحى النار
ـــــــــــــــــــــــــــــــــــ
واحد رفيع جدا راح وقف ف وسط الناس وقعد ينادي ويقول من يجي يتحداني
من يجي يصارعني، مفيش رجاله هنا والا ايه، طلعله واحد من الناس
عضلات الراجل قال: بقينا اتنين من يتحدانا من يصارعنا..
..................................................
في إثنين محششين واحد قال للثاني شايف الكتابة إللي على الجدار راح قاله
شايف الكتابة بس فين الجدار.
..................................................
مره واحد مدمن تاب رمى كل المخدرات في بركة ..
.شوي طلعت سمكة من البركة تقول انا أنا ....أنا تمســـــــاح ؟
..................................................
أحول تعين في الجيش حطوه في قسم القصف العشوائي!
.................................................
زوله جالسين في شارع أشروا لتكسي ,, التكسي وقف قدام شوي
قالوا: يوووووووه وقف في المكان اللي نبي نروح له!
..................................................
محامي رفع قضيه وقعت عليه!
..................................................
قالوا له الجزر يقوي النظر شرى كرتون جزر جلس طول الليل يطالع فيه !
..................................................
صعيدي بيكبر شال اللي وراه!
..................................................
صعيدي رجع في كلامه صدم الجدار اللي وراه!
..................................................
في واحد حلو تزوج وحدة حلوة خلفو ولد شربات
..................................................
في سوادني نجحوا اولاده قام اشترى لهم كوره ..
. قال لهم اذا نجحتوا السنه الجايه انفخهالكو !!!
| |
|
أسامه الديب
عضـــــــــو جديــــــــــــــد
علـــم الدولــــة :
| | موضوع: رد: نكت من الأهرام العربي 6/6/2009, 3:31 pm | |
| تسلم الأيادي وتسلم النكت الجميله المنتقاه تموت من الضحك
( عمي محمد السوداني راح للحلاق يحلق دقنه وجلس على الكرسي موطي
قاله الحلاق : شعر ولادقن ياعم محمد قاله : دقن قاله الحلاق : طيب ارفع راسك
عشان اخد دقنك قاله عمي محمد : خليها شعر ) | |
|
