المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: كيف تصبح عضو مجلــــس نـــــواب 22/11/2020, 11:24 pm | |
| كيف تصبح عضو
مجلـــــس نــــــواب
١ - فصل 10جلبيات بلدي صوف غاليين
وشال كشمير محترم
٢ - تروح أي عزا في الدايرة وتدخل من قدام حتي
لو في قرايبك من هو أكبر منك سنا ومقاما
٣ - تروح أي فرح دعيت إليه أم لم تدعي وتسلم علي
كل الفرح اهل العريس والعروسة والمدعويين
٤ - تتصرف ولو حتي هتستلف وتدبح عجل كل سنة
وتوزعه علي كل الناس الباينة اللي ممكن تحشدلك أصوات
٥ - تسمع عن أي صلح تروح تحشر نفسك
في اللمسات الأخيرة وتقعد قدام
٦ - تسمع عن أي ست غضبانه تروح لجوزها
وتسمع منه وتاخد حد من أهله وتصالحهم
٧ - تنزل يفط كتير في العيد ودخول رمضان
وتحط صورتك وتهنئ الامة الاسلامية وفي
الاعياد المسيحية تهنئ الاخوة الأقباط
٨ - اوعي تقرا سياسه عشان مش هتفهم حاجه واذا
حد من المواطنين سألك أي سؤال سياسي ترد بإجابة واحده
ربنا يصلح الحال ...
٩ - تمشي مع التيار وتبقى ولد الحكومه
١٠ - تسمع عن اي مدرسه هتتبني او اي شارع هيترصف
تروح كاتب طلب وموديه الابنية التعليمية او مجلس المدينة
وتدَّعي كذبا وزورا وبهتانا انك انت اللي عملته
١١- أي افتتاح لأي طريق أو شارع او مصنع علي طول
تروح رايح وتحشر نفسك وتتصور
١٢ - أي مسجد هيتبني تروح وتدفع تبرع مالوش لزمة
عشان تحضر افتتاح المسجد كإنك إنت اللي بنيته
١٣ - أي فرصة للخطابة في أي مناسبة امسك
الميكروفون وقول كلمتين
١٤ - تنتقد المستشفي بمناسبة ومن غير مناسبة
١٥ - تصاحب الظباط وأمناء الشرطة عشان
لو حد اتمسك تروح تطلعه من المركز
١٦ - لو الجلبيات قدمو فصل جلبيتين تانيين
١٧ - عربيتك لازم تكون شيك ونظيفه ولو ماعندكش
استلف عربية من حد تبعك عشان لما تروح عزا او فرح
١٨ - ماتمشيش من غير ٥ او ٦ رجاله عتاوله حواليك
يعملولك جو وكده
١٩- كل بلد تروحها تقوللهم ايه اللي ناقصكم ؟؟
يعني قال انت اللي ها تكمله
٢٠ - اي حد بيتفزلك وبيسأل أسئلة كتيرة وصعبة
صاحبه بسرعه وخد تليفونه وقوله انت عجبتني
عشان مخك حلو ومنور وعجبتنى عشان
ينشغل بكلامك ويبطل يسألك ويحرجك
قدام الناس... | |
|
