رسالة الى النائب العام.
Mahmoud Abdul Wahed
رسالة الى النائب العام.
مصيبه ولازم توصل لكل الناس
دلوقتي انا شاب شغال ف شركه مجمدات ولحوم بيضه وحمرا مشهوره
(كوكي.وطنيه.امريكانا)
كنا بنفتح اكياس سجق(منتهيه الصلاحيه)
ونعبيها ف اكياس جديده (صلاحيه جديده)
مع انها فاسده ومنتهيا بس التجميد مش مبين كده
خلصنا السجق ودخلنا عالبرجر
جالنا شحنه من التلاجه لونها اسود من لقرف اللي فيها ومن كتر ما قعدت ف ااتلاجه
قالولنا اللي متعجبكوش طلعوها وارموها وعبو الباقي شيلنا اكتر من نص الكميه
قررت ابعد عن التعبئه علشان القرف اللي بشوفو وتأنيب الضمير الناس اللي هيجيلها امراض من القرف اللي هتاكلو ده
روحت فين بقي!!
روحت تجهيز اللانشون
اول حاجة عملتها كانت انهم جابولي اقفاص كتييييييير مليانه كراتين لانشون اقسم بالله اللانشون كان عليه ريم ابيض من كتر ما عفن
اقسم بالله كان متاكل (متحلل)
والله العظيم كنت هرجع من القرف
كان مديني سكينه واقطع الغلاف البلاستيك اللي علي فورمه االلانشون
بعد كام ساعه ما خلصت علشان كانو كتير جدا لقيتو بيقولي روح ارميهم ف المكنه اللي هناك دي
اول لفظ جه ف دماغي اني قلت بصوت عالي ا*ا
انا مش طايق الريحه وعاوزني اوديه المفرمه
رميتو ف المفرمه بتاعت اللانشون
واتضاف عليه البهارات والزيت واللحمه
بعد ما خلص طالع شكلو جميل وتحس انك عاوز تاكلو
تاني يوم كنت شغال انا وواحدة كانت بتشيل الغلاف اللي علي البرجل المتحلل وترميه ف المفرمه تاني
وانا جنبها بفتح اكياس اللانشون الجاهز المتقطع ومتحلل وارميه ف مفرمه اللانشون
طبعا محدش هيصدقني لو قلت ان البرجر كان بيتفرم ولاحظت دود عليه والله علي ما اقول شهيد
تمام كده وطبعا البهارات اللي تخلي طعمه تحفه والالوان اللي ترجع اللون احسن مالاول كمان
انتو عارفين ان البرجر بتاع امريكانا العائلي اللي كنت بعبيه ده معدي ال ٤٠ جنيه
ايوه اللي بيجيب سرطان ده معدي ال ٤٠ جنيه
تخيلو انو ديه شرطه عاليه
امال منتجات حلال ايجيبت اللي ب٨ جنيه بتتصنع ازاي؟؟؟
اول صورة صورة البرجر هتلاقو صورتين صورة قبل الفرم وصورة بعد الفرم
الصورة اللي قبل الفرم دي عباره عن ايه!!
عباره عن ان بنتين كانو واقفين بيشيلو الاكياس البلاستيك من علي البرجر المنتهي الصلاحيه وهو تحت درجه -18
يعني بقالو فترة كبيرة + البرجر المرتجع بتاع المحلات
بيحطوها ف حله كبيره اللي هو متصور فيها وبيتاخد يترمي ف المفرومه ويتحط عليه بهارات ونسبه من برجر لسه معمول ولون طبعا علشان لونو خرا زي منتو شايفين ف الصورة
وبيطلع زي منتو شوفتو وبيتم تبريده وبيبقي زي مبتشوفوه ف المحلات
تاني حاجة ايه هي اللحمه
اللحمه بتيجي ف كراتين داخل الكراتين اللحمه جوه مشمع المشمع بيبقي معبي دم ازاي معرفش
بيترمي اللي في المشمع كلو ف المفرومه
يعني من الاخر اللانشون والسجق واي حاجة بنعملها فيها نسبه دم كبيرة
يعني كل وانتا متطمن واكل ولادك وانت بتعرضهم لأمراض انت مش متخيلها
ديه اول حاجة بالنسبه لموضوع اللحمه
تاني حاجة عندنا صورة شكاير
ديه اللحمه الشعبي (مجهوله المصدر) عارفين انتو اللحمه اللي بتروح لمحلات الكفته بتاعت الشارع المعفنه اللي معليهاش حتي بادج يعرفك مصدر اللحمه ايه بالظبط!!
ايوه هي دي
عندنا صورة تاني مكتوب برازير 2015 ده اسواء منتج لحمه بنستوردو من البرازيل
وماكدونالز بتاخد من عندنا وهارديز ومحلات كتير مشهور وكنتاكي كمان بتاخد من عندنا الشنط بتتطبع بأسمها وبتروحلها جاهزة والخلطه من عندنا كمان والله بنحمرها نص تحميره وهم بياخدوها يكملوها
نسيت اللحمه الشعبي مجهوله المصدر ديي بتيجي بتتحط ف اكياس مكتوب عليها كوكي مع العلم كوكي معندهاش غير مجازر دواجن بس معندهاش اي مجزر للحوم خالص ولا حتي محل صغير
ده علشان يخفو انها مجهوله المصدر ف بيحطوها ف شكاير زي منتو شايفين ف الصورة وجوه الشكاير اكياس لحمه مكتوب عليها كوكي
نخش بقي علي جلد الفراخ اللي في الصورة
ده طبعا علشان اللحمه غاليه بيرمو نسبه كبيرة جدا ف المفرمه مع اللحمه وبتدي طعم فاجر رغم قذارتها
وغير كده كمان كانو بيحطو مصارين ورجول بس حولوها لأاعلاف وبقي جلد فراخ بس
صورة اللانشون
برضو زي البرجر كدة بنشيل الغلاف وبنطحنها من جديد والبهايم اللي هي احنا تطفح يعني نسبه دم كبيرة ف اللحمه وبرة اللحمه واحيانا بيبقي اللانشون اللي بنقطع الغلاف من عليه والله متحلل ومدود ومجبر انك ترميه ف المفرمه
نخش علي اخر حاجة وديه منقوله من اكتر من واحد حكالي ف الشركه
ومتأكد منها
فتره غلاء الفراخ الفترة اللي فاتت كانت الفراخ غاليه بزياده
اللي حصل انهم كانو بستوردو من البرازيل فراخ الفرخه ب 7 جنيه ف نفس الوقت اللي كانت وزاره الزراعه بتبيع الكتكوت فيه ب 8 جنيه
الكتكوت بقي اغلي من الفرخه
مش ديه المشكله بقي المشكله كانت بتيجي الفرخه جنبها ازرق غامق بطريقه صعبة وكتير منهم بيبقي منفخ من الجنب ومن حتت تاني (ورم) ممكن تكون سرطانيه والله اعلم
متخيل يعني ايه فرخه 3 كيلو ب 7 جنيه
سيبك من كل ده
شركه زي ديه ليها وضعها استحاله تبيع حاجة زي كدة بتعمل ايه بقي !!
بيرشو عليها كيماوي يشيل اللون الازرق ده وبيخليها طبيعيه ويمكن احلي كمان (ف الشكل)
يعني مش كفايه بناكل خلايا سرطانيه لا وبناكلها بالكيماوي بتاعها
كل المطلوب منك تعمل شير للبوست او تمنع اهلك وعيلتك عن اي منتج مجمد او منتجات اللحوم عموما
بقول عموما علشان الناس اللي بايعة صحتها وصحة اطفالها اللي هيقولي تلاقيك من شركه تانيه وعاوز تعمل دعايا محدش يجيب اي اكل من برة يا جماعه ابوس ايديكو ابوس ايديكو تاني احنا علي المدي البعيد هنبقي كلنا فشل كلوي وسرطان وفيرس عالكبد وقرف والله احنا ميتين من زمان
اشهد يارب اني معملتش زي الاف العمال وخدت المرتب وفرحت وزقططت زي الناس
اشهد يارب اني مسكتش ولا سبت الشغلانه وخلاص زي ما كل اللي مش عاجبهم الشغل عملو كدة ومشيو وجه ألف واحد غيرهم
ابوس ايديكو يا جماعه عاوزين نغير ف ام البلد ديه ابوس ايديكو نساعد بعد ونمنع الحاجات ديه علشان كلو يعرف الخرا اللي فيها والشركه هتضطر تقفل بعد كدة
وياريت كله يعمل مشاركه علشان نحافظ علي اولادنا واهالينا من الامراض الخبيثه
منقول
.
