( sho sho )حكايتى مع جمعية الرحمة

(sho sho )حكايتى مع جمعية الرحمة

السلام عليكم ورحمة الله وبركاته

انا أختكم شيماء
عضوة فى جمعية الرحمة الخيرية بالمنوفية

حبيت أقول لكم ازاى بدأت قصتى مع الجمعية
هو طبعا انا من زمان نفسى أعمل حاجة أفيد بيها الناس
وأساعدهم وكان نفسى أشترك فى جمعية خيرية بس للاسف
مكنتش عارفة الطريق أبدأه منين لغاية فى رمضان 2006
كنت باشوف برنامج أحلى حياة للاستاذ مصطفى حسنى
وكانت حلقة جايب فيها شباب بيتكلموا عن جمعيتهم ونشاطاتهم
فيها وأد ايه حسيت بمدى فرحتهم بعملهم ده ومساعدتهم للناس
بصراحة اتمنيت من ربنا ان انا اعمل حاجة زيهم

وبعد الموضوع ده بشوية مش كتير يعنى وانا فى الكلية شفت
اعلان عن الجمعية وهى مقرها كان قريب من الكلية فاتفقت
انا وواحدة صاحبيتى ورحنا الجمعية واتعرفنا على البنات هناك
وحبناهم اوى وحمدت ربنا انه سبحان الله لما الواحد يبقى نيته
انه يعمل حاجه خير ولله ومش لاقى الطريق ربنا الحمد لله بيدله
عللى الطريق ومن ساعتها بقى بقيت معاهم
وعلى فكرة احساس حلو أوى انك بتعملى حاجة فى حياتك مش
مجرد أكل وشرب ونوم
والحمد لله عملنا شنطة رمضان وشنطة المدرسة

وياريت اى حد عايز يعمل حاجة لله وتفيد المسلمين يشترك
فى اى جمعية من جمعيات صناع الحياة
وهايحس ان شاء الله احساس جميل أوى

ومعلش طولت عليكم