السيد القاضي كبيــــــــــر المشرفيـــــــــن
علـــم الدولــــة :
| موضوع: أحدث قصائد أحمد فؤاد نجم 22/5/2008, 5:32 am | |
| رائعة الشاعر
احمد فؤاد نجم
الجديـــــــــدة
أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟ | |
|
المستشار عثمان الكومى المديـــــــــر العـــــــــــــام
علـــم الدولــــة :
| موضوع: رد: أحدث قصائد أحمد فؤاد نجم 1/7/2008, 9:42 pm | |
| بابسط الكلمات00
واسهل العبارات
دائما يتالق الشاعر
المصرى الاصيل البسيط
احمد فؤاد نجم | |
|
السيد القاضي كبيــــــــــر المشرفيـــــــــن
علـــم الدولــــة :
| موضوع: رد: أحدث قصائد أحمد فؤاد نجم 3/7/2008, 1:46 am | |
| شكرا جزيلا على المرور و التعليق الكريمين | |
|