هام جدا.لكل مخلص بيحب بلدة

اولا.اشكر
الاستاذ عثمان الكومى
والحاج صلاح
وكل المشاركات الفعالة من كل الاعضاء
وعلى مجهودهم الرائع

ثانيا.ارجو منكم تبنى هذة الفكرة
نظرا لوجود اكثر من 14 مرشح
لعضوية مجلس الشعب
ومن المعروف ان العضو اللى هيكون اما مرشح الحزب
او مستقل ولو نجح الحزب هيضمة الية. اذا الحكومة
لن تدعم احد وهيكون لاصواتنا تاثير كبير
واحنا مانعرفش المرشحين دول كويس مع احترامى للجميع
ومش مطالبين بتوقيع شيك على بياض لواحد معرفوش

اذا اية رايكم لونعمل مناظرة بينهم
ونوجه الدعــوة لكل واحد منهم
ويدفع كل واحد منهم1000ج
ويتم التنظــــيم لها فى اكبر
مكان فى البلـــد والدعوة
عامة واعطــــــاء لكل
واحـد منهـــم فرصة
التعبيـــر عن نفسة
واعطـــاء الفرصه
للناس يسألــوهم
حتى يتم قطع
الطريق على فرق الاعداد.....
والأفضل مش محتاج واسطة ....
وشكرا على قرائتك هذة الرسالة

استاذنا العزيز : هيثم مزروع

اجمل تحية من منتدى البتانون

قرات موضوعكم باهتمام

واحب ان اطمئنكم وكل الاعضاء

وجميع اهالى البتانون

ان ما قلتموة جزء من خطتنا التى اعددناها لذلك

ولكن لم يحن الوقت للتنفيذ نظرا لان هناك

انتخابات الشورى اولا وسنقوم بدورنا

عند بدا تقديم طلبات الترشيح

شكرا لملاحظاتكم واهتمامكم

بأمور بلدكم

لكم خالص تحياتنا

بسم الله الرحمن الرحيم




الأستاذ : هيثم مزروع تحيات لك وللأستاذ : عثمان الكومى

ملاحظتك على ... كثرة عدد المرشحين فعلا كارثة

اذا حدثت بالفعل .... ولكنى أتوقع ... حين تكون الجدية ويقترب الموعد أن يتقلص العدد

لأن هذا الموضوع يفتت الدائرة وبعد انتهاء الجولة الأولى .... بخروج البعض

يحدث ... المزيد من التفتيت لأصوات البتانون خاصة ... ويدخل فيها العديد من عدم الموضوعية

والعناد مما يعطى نتائج غير مرضية لأهل البتانون كما حدث فى مرات سابقة ...

وكما قلت سابقا .... يجب الاختيار الموضوعى للشخص القادر ... والمثقف

والمتعايش ... والذى يملك القدرة على قراءة مشاكل الواقع ... برؤية تشريعية ...

ليست مهمة العضو ــ تقديم خدمات شخصية وينتهى دوره ... بل يمتد الى صلب عمله الأساسى

فى تقديم الاستجوابات .... وتعديل ... وتقديم مشاريع قوانين .

لأن المرشح اذا جعل دوره مقصورا على تحقيق المصالح الفردية ...

تبقى الأمور محلك سر .... وتبقى البتانون

خسرت دور النائب الحقيقى .




التغيير فى المرحلة القادمة هام جدا وحيوى ... وعلى كل منا أن ينسى كل الولاءات والعصبيات

وأن يدلى بشهادته شهادة حق .... للرجل المناسب فى المكان المناسب

وهذة الشهادة .... سنحاسب عليها جميعا فى الدنيا بسوء الاختيار

وفى الآخرة لأننا نعرف الحق وانسقنا وراء عصبية وجاهلية .

شكرا لكل من قرا رسالتى
وتفهم وجهة نظرى


واقول للاستاذ عثمان


انا سعيــــــــــــــد
جدا بالــــــــــــــــرد هذا
وطالما الفكرة موجودة فعلا
اذا لازم نبــــــــــدأ فى التنسيق
وحشد الراى العام عند كل الناس
لكى نستطيــــــــع ان نحــــرك
ساكن على ارض الواقـــع
حتى لانموت بفكرتنا
.

ولك وافر شكرى واحترامى

الحاج : صلاح
اشكرك على اهتمامك
والواضح ان حضرتك شخص مثقف وذكى



ولكن ياحاج احب اطمنك انه لاوجود لدور مجلس الشعب
اصلا فى مصر وان كان على الاستجوابات وطلبات
الاحاطة اصبحت فولكلور شعبى واخوانى

واحنا مصلحتنا فى الوقت الراهن
فى اللى يقدر يحقق مصلحة الناس باى شكل يعنى
(اللى يغلب بية يلعب بية)

وانا لما سمعت ان فية مرشح بيحاول يشترى اصوات الناس
فرحت ان اصواتهم ليها ثمن وبيشترى
(رزق الغلابة)
انا بس بتمنى ان نتلف كلنا حول مرشح واحد
ونقف جانبة واتمنى انهم لوهما يتفقوا
على واحد علشان مصلحة البلد
ولانخسر كل شىء.

واشكرك على سعة صدرك

الاستاذ المحترم ...عاطف سرور


احييى فيك شجاعتك

وربنا يوفقك

فكرة جميلة وحضارية ومتطورة
وياريت تتم

وتكون بداية لطريقة تفكيرنا
فى تقييم المرشحين

مع خالص تحياتى


علاء سلطان
مرشح الشورى
عمال وفلاحين