تبقى أكيد انت فى مصر
لما تقابل ناس بتوحد ربها
لما تلاقى ناس بتحب نبيها
يبقى انت أكيد فى مصر
لماتشوف بر الوالدين
صغار وكبار يقبلوا يد الوالدين
لما تشوف صلة الارحام
وتلاقى ناس ارحامها تمام
يبقى انت اكيد فى مصر
لما تلاقى حب بين الجيران
كل الشارع -الحى -القريه أمان
لما تلاقى كبير بيحب صغير
لما تلاقى صغير بيبر كبير
يبقى انت اكيد فى مصر
لما تجاهد تلاقى رجال
لما تمر بك الاهوال
وانت ثابت صابر كالجبال
يبقى انت اكيد فى مصر
لما تمشى تلاقى حجاب
وبنات ونساء يسترها نقاب
ميخافوش الا من الوهاب
يبقى انت اكيد فى مصر
لما تلاقى شباب بيصلى
شايل مصحف ربه الأعلى
لما تلاقى أذان بيجلى
يبقى أنت أكيد فى مصر
لما تلاقى الناس غلبانه
وبفضل الله دايما فرحانه
تحمدة ولو تعبانه
تشكر فضله ولو عريانه
ولو اعطاها الخير تسجد له
تشكر فضله وتتصدق له
يبقى انت اكيد فى مصر
لما تلاقى اخوه بجد
وكرم زايد فوق الحد
ناس اخلاقها عطاء وايثار
تقول الحق ولو فى النار
يبقى انت اكيد فى مصر
لما تلاقى عروبة ونخوه
اى غريب يقول دول اخوه
لما تحس ان البيت بيتك
نفسك تقضى فيها حياتك
يبقى انت اكيد فى مصر
لما تاكل لقمه هنيه
وشويه شاى بعد العصريه
اه لو قعده حب جميله
تفضل تضحك طول الليله
الناس دى بجد بجد جميله
يبقى انت اكيد فى مصر
لسه حقول وحقول امجادنا
كل الناس عارفين اخلاقنا
بس بذكر كل الناس
ان كلام رب العالمين
قال فى مصر قول مبين
ادخلوا مصر ياناس امنين
هل بعد كلام ربنا كلام؟
بس كفايه عليكم سلام
