المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: قانون مشي حالك 7/3/2008, 2:25 pm | |
| قانون مشي حالك
قانون مشي حالك
تنص المادة الاولي فقره الف
من قانون مشي حالك
اذا تواجدت في مكتب موظف
فعليك ان ترمي بياضك
إعمالا لدستورنا الحالي
(كبر دماغك)
اصله اول م هيشوفك هيلوي خلقته
كأنه شايف همه
وهيعاملك كأنك خروف
جاي لاجل تشحت منه
ارميله حاجه في الدرج م تقولش رشوه
سميها شوشو سميها ريري بس مش رشوه
اصلها سلو ف بلدنا زي نقطه للعوالم
زي الاسود ف المياتم
والموظف مش بيرقص اصله راجل
هو راجل ؟
اللي يا خد رشوه برضه يبقي راجل ؟
ايوه راجل وانت مالك مشي حالك ايوه راجل
م هو الموظف ظروفه تعبانه يا كرام
والمهيه والحوافز يبقوا كام
يعني يسرق يعني ينصب ؟
ولا يقعد مكانه محترم وتجيله رشوه ؟
حسبه صعبه
علما بأن الضمير زي الجنيه مالوش قيمه
والاخلاق والشهامه بقت موضه قديمه
والكيل طفح زي المجاري
وفينا اللي دراي واللي مش دراي
ومش هقول انا مالي
وانا عندي قلم صوته يشيل التراب من الودن
حروفه تسمع الجن
اه يا بلد مشي حالك
ينعل ابو الحال اللي بالشكل ده
السفينه ع الارض ما بتمشيش
والموظف مع الرشوه
جزمه عليها ورنيش
دا اللي يموت م الجوع اكرمله
من انه ياكل حرام ويعيش | |
|
