المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: موظف حكومة 15/6/2009, 9:36 am | |
|
موظف حكومة
موظف حكومة ما عنديش طموح وساكن فى أوضة هناك فى السطوح
وكاتم فى قلبى ولازم أبوح ولازم أفضفض بكل الكلام
موظف حكومة على قد حالى ولا عرفت سوسو ولا عرفت سالى
وطول عمرى عايش وكان قلبى خالى ولا عرفت إيه هو طعم الغرام
وقاعد لوحدى فى ساعة عصارى بافكر فى حالى وبالعب أتارى
سنين عمرى فاتت ولا كنت دارى بحالى وعمرى اللى عدى قوام
بحبك يا بوسى ومغرم صبابة وكلمت ماما وكلمت بابا
وقلبى انشرح م الفرح والسرور بحبك وعايش فى حالة هيام
أخيراً يا بوسى صرفت المكافأة وعامل عشانك ياروحى مفاجأة
وجهزت مهرك وكونت نفسى وأجرت شقة فى دار السلام
بقيت ع المعاش بس قلبى شباب وقلبى يا بوسى من الحب داب
بحبك وبحلم بكتب الكتاب بحبك وعمال أشد الحزام
وما يهمكيش شعر راسى اللى شاب أنا هاصبغه قبل كتب الكتاب
ولونه هيبقى بلون الهباب عشان أعجبك وأبقى قد المقام
وكل اللى عندى هشاشة عظام ودلوقتى باشرب لبن بانتظام
وباكل كوارع عشانك يا بوسى وباكل كابوريا وبط وحمام
بحبك يا بوسى وهتجنينى وبيكى أكمل أنا نص دينى
بقيت ع المعاش وإنت راح تورثينى
وشوفى يا روحى إنت راح تاخدى كام
بحبك وباسأل وأقول هل يجوز هترضى يا بوسى بواحد عجوز
وهاخدلى قرص يحل المشاكل يخلى المسائل تمام التمام
| |
|
