القـــــــــــدر

دق قلبى....................دق قلبه


ابتسمنا وانشغلنا


حس حبى........................عشت حبه


اتعاهدنا واتقبلنا


ايه وليه ومين وفين


الكلام اصبح شفايف.................والعيون بحرين حنين


والحنين جوانا خايف


ايه يا دنيا نعمله.......................واحنا فى يوم السفر


والطريق فى اوله.....................خطوه فى بحر المطر


لأ يا صوت الفرقه حاسب.............لأ بلاش استنى حبه


ده احنا قلب وقلب دايب..............فى عيـون دنيا المحبه


يا دقايق يا ثوانـــــى ...............اشربى عمـــــر السنين


جمعى كل الأمــــانى................واسقــى روح العاشقين


إتقبلنا روح وقلب...................والهوى نسمه وهمسه


وافترقنا شوق وحب.................والأمل مينا ومرسى


كل واحد فى اتجاه..............ماشى فوق صدر السحاب


والحياه كل الحياه...............اصبحت كلمـــه فى جواب


يا قدر ارحــم وقدر.................احنا كان بإيدينـــا ايه؟


لما نــــاوى بينا تغدر................كنت بتجمعــــنا ليه؟؟


السلام كان البدايــــــــه...............والسلام كان الوداع


الكلام بدأ الحكايــــــه...............والفراق فرد الشـراع


ليه يا قــــــــدر