بصوت كل مصرى مطحون
انا حقول ارحم يا ريس
20_9_2019
بعد الصلاة والسلام على رسول الله
صل الله عليه وسلم
وبعد السلام على عباد الله اجمعين
..انا مش حقول ارحل يا ريس
انا حقول ارحم يا ريس
ايوه ارحم ياريس ارحم الغلبان
ارحم الضعيف ارحم صاحب المعاش ارحم رب الاسره
ارحم الارامل والايتام ارحم الطلاب ارحم الموظفين
البسطاء ارحم الخرجين ارحم الشباب الى خدم
الخدمه العسكريه ارحم المعاقين ارحم كبار
السن ارحم البنات الى بتشتغل عشان
علاج امهاتهم
ارحم اصحاب الحرف ارحم العمال ارحم الفلاحين
ارحم الكادحين ارحم اجيال لم ترى يوم ولا
ساعه ولا دقيقه ولا ثانيه فى حياتهم فيها
رفاهيه اتولدو وعاشو وحيموتو
مطحونين
لو قلنا شعب مصر ١١٠ مليون
فيهم ١٠٠ مليون مطحونين مقهورين مزلولين علشان
لقمة العيش بس علشان الاكل والشرب والتعليم
والصحه والمعايش بس
مش بيحوشو ولا عندهم رصيد ولا عايزين يبقو مكانك
ولا مكان اى وزير ولا مكان اى محافظ ولا مكان
اى ضابط لانهم من الاخر بسطاء فى تعليمهم
وفى طموحهم وفى كل شيئ
ال١٠٠ مليون دول مفرومين فى الخلاط لصالح ١٠ مليون
من عليت القوم موظفين كبار وطبعا اولادهم زيهم وزراء
وطبعا اولادهم زيهم رؤوس اموال واغنياء واصحاب
شركات وفطاحل بنكيـــــه وطبعا اولادهم زيهم رتب
وجنرلات وطبعا اولادهم زيهم مختلسين ومزورين
ومحتالين وسارقين لقوت الشعب وطبعا اولادهم
زيهم هما دول ال١٠ مليون الى عايمين على
وش الفته فى كل العصور والازمان
اى نعم حضرتك مسكت البلد وهي على شفه
حفره من الناركانت حتولع وحتخرب زى
بلاد ودول كتير خربت وجيشـــنا كشف
المخطط الخفى وسيطرتم على الوضع
ولاكن ماذا حدث بعد مرور كل
هذه الاعوام
الفقير زاد فقر الطبقه المتوسطه اتعدمت
نزلت مع الى تحت
والى كان عايم على وش الفته ظل عايم منهم الى
خارج مصر وما زال يدير شركاته وامواله
تتزايد ومنهم الى داخل مصر وبقى حوت
اكثر من الاول
ولما يستكفى حيهرب زى غيره
يا فخامة الرئيس
انت تحكم دوله وبها شعب وشعبها هذا اقصى طموحه
يعمل جواز سفر علشان يحج بيت الله
او يتغرب يعمل قرشين للزمن او يهاجر هجره غير
شرعيه ويعرض نفسه للموت على امل انه لو
ربنا نجاه هيعرف يغير من حياته على
ارض مصر
وهما دول ال١٠٠ مليون
اما العشره مليون الباقين محضرين جوزات سفرهم
ومحولين فلوسهم بره وجاهزين ساعة الخراب
يركبو اول طياره
ارجوك يا ريس صالح ال١٠٠
وسيبك من ال١٠
١٠٠ هما الى لو مصر اتحاربت هيحاربو ولو نهضت
هما الى هينهضو بيها ولو خربت هتخرب على راس
ابوهم لانهم ما بيخرجوش منها من يوم ما اتولدو
الا للاخره
يا معالى الرئيس
اقسم لك بالله العلي القدير
انا لا اكره فيك شعره ولا ارى امامى
غيرك يحافظ على وطنى
واحب الجيش واتمنى ان اكون بين صفوفه خادما
فيه للوطن والمواطنين ومدافعا عن ارضى
التى هى عرضى
ولاكنى اقول لك الحقيقه المره
التى لم ولن تسمعها من من حولك
ولن تراها الا باعيننا نحن الفقراء
ارحم يا ريس
ارحم ياريس
لا تترك الفرصه لعيل صايع ان يكون ايقونه لشعب
مثل شعبنا العظيم او لوطن مثل وطننا العظيم
ارحم يا ريس من يحبونك دون مصلحه
ارحم يا ريس من لا ينتظرون ترقيه ولا صفقه
ارحم يا ريس من يردونها حقا ام الدنيا
ارحم يا ريس من لم يصدقون حتى الان
انك هربت وتركتهم وحدهم
ارحم يا ريس من دعموك وايدوك واشعلو بهتافهم
الشوارع والميادين وزينوها بصورك وغنو لك
وللجيش تسلم الايادى
ارحم يا ريس من فى الارض يرحمك من فى السماء
توقيع
مصرى مطحون
يحب ويعشق تراب بلده وفيها لحد الممات
سيد النجار
.
