المستشار عثمان الكومى المديـــــــــر العـــــــــــــام
علـــم الدولــــة :
| موضوع: خطوتين مهمين لازم تعملهم لو عربيتك اتسرقت 27/2/2019, 1:54 am | |
| خطوتين مهمين لازم تعملهم لو عربيتك اتسرقتياريت الناس تعرف الاجراءات الصح علشان حقها يرجعلها في اسرع وقت
لو عربيتك اتسرقت
في خطوتين مهمين لازم تعملهم بعد ما تعمل المحضر في القسم
اولهــــــم
انك تاخد رقم محضر السرقه ال عملته وتطلع بيه علي مباحث المرور تعمل حاجه اسمها-- إشارة نشر-- ودي معناها انك بتنشر علي كل أجهزه الحاسب الالي في مصــــر ان عربيتـــك ال نمـــرها كذا مسروقه ودي ليها ميزه ان لو العربيـه وقفت في اي كمين وفحصو النمر بالجهاز ال مع ظباط المــــرور هيتعـــرف ان العربيه دي مسروقه وان ال مبلغ بالسرقه هو فلان وعنوانه المكان الفلانـي او لو العربيه حـد لاقاها وراحـــت اي اقســـم علي مستوي مصــــر هيقـدرو يوصلولك والمفروض ان ده إجـــراء تلقـائي بيتعمل بعد المحض بس محدش بيعمله
--تاني حاجه--
انك تروح النيابه وتطلب من وكيل النيابه يديك جواب للمرور ال عربيتك تابعه ليه بوقف التعامل علي العربيه بأي شكل --وده ميزته-- ان لو انته ناسي الرخص جوا العربيه وقت السرقه ممكن الحرامي يضـــرب توكيل ويبيع العربيه لمشتري حسن النيه ساعتها انته بتدخل نفسك في دوامه لانه ممكن يروح ينقل مليكه ومحدش يفحص التوكيـــل ال معاه ويطلع رخصه بإسمه وساعتها انته دخلت في دوامه
--لكن --
لو في موجود في ملف العربيه جواب بوقف التعامل عليها ساعتها اي حد يروح يعمل رخصه هيتمسك والعربيه هيتم التحفظ عليها ويقدرو يوصلوك برقم المحضر.... ملحوظه اخيره خليك حريص وانته بتعمل اي محضر انك تسيب رقم تليفونك في المحضر نفسه عشان يقـــدرو يوصلولك وشكرا
. | |
|