المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: مواطن وخروفه الميت 16/8/2016, 3:17 am | |
| مواطن وخروفه الميت
مواطن مربى خروف صحى لقى الخروف ميت
أخذه ع الدكتور البيطرى حتى يعرف سبب الوفاه
تفاجأ من قول الدكتور أن الخروف مات بالجلطة.
ادارالمواطن وجهه للخروف ومسك قرونه
وأخذ يكلمه بتعجب وحرقه واستغراب
.
جالك جلطه ليه؟
خريج هندسه ومش ﻻقي شغل؟
خريج تجاره انجليزى وواقف فى سوق الخضار؟
خريج أداب وبتسوق تاكسى؟
خريج حقوق وبتشتغل سمسار؟
خريج زراعه وجالك تعيين فى الطرق والكبارى؟
جمعت كل اللى تملكه وأعطيته لإبنك لكى يسافر أوروبا
وغرق على شواطئ اليونان؟
مديون ومش عارف تسدد ديونك؟
بتستنى دورك فى التعيين بقالك 10 سنين؟
اشتغلت وجالك تعيين بعيد جدا عن بيتك واتغربت فى بلدك ؟
كان قدرك إن تشتغل مدرس ؟
مش قادر تشتري ملابس لأولادك؟
مش لاقى شقه؟
سنك كبر وعايز تتجوز ومش لاقى شغل ولا شقة تتجوز فيها؟
.
جالك جلطه ليه؟
واخذ قرض ومتورط بالسداد ؟
جتلك فاتورة كهرباء وما قدرتش تسدد ففصلوا عنك الكهرباء؟
حاسس انك غريب ببلدك؟
الدنيا ملخبطه حولك ومخك بطل يجمع من كثر القوانين الجائرة؟
رفع اﻻسعار مش عاجبك ؟
شاعر انه في ثروات وبلدك فيها خير كتيييير ومش مستفيد منها ؟
جالك جلطه ليه؟
.
من النواب وﻻ الحكومه وﻻ اﻻعلام الفاسد ؟
ع المعاش ومعاشك مش مكفي اجار بيتك؟
جالك فشل كلوى من المياه الملوثه ورحت تغسل قالولك
ما فيش مكان إنتظر إما حد
جالك جلطه ليه؟
الدولار هتك عرض الجنيه بتاعكم؟
نفسك فى السمك والكيلو وصل 50 جنيه؟
روحت تشترى لحمه لقيت الكيلو ب95 جنيه؟
جيت تشترى أرز ولقيت الكيلو ب 7 جنيه؟
روحت تجيب التموين وقالولك ما فيش إلا جبنه دومتى؟
مش عارف تشترى كيلو فاكهة لاولادك؟
.
جالك جلطه ليه؟
جالك فاتورة غاز ب150 جنيه؟
جالك فاتورة مياه ب100 جنيه؟
جالك فاتورة الكهرباء ب 150 جنيه ؟
نفسك فى التين ووالمانجو ومش قادر تشتريه؟
المشمش نزل السوق وخلص وانت ما سمعتش عنه؟
.
جالك جلطه ليه؟
قرايبك معكننه عليك؟
إخواتك مش بيزوروك؟
اقرب الناس ليك باعوك ؟
جالك جلطه ليه؟
إحنا أهه عايز تقولى إنك بتحس عننا؟
روح الله يسامحك.......
. | |
|
