المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: اعرف كل المعلومات عن عربيتك من رقم الشاسية (مرور المنوفيه) 8/1/2016, 9:30 pm | |
| أعرف كل المعلومات عن عربيتك من رقم الشاسية
(مرور المنوفيه)
"رقم تعريف السيارة"( Vin )هو اختصار لكلمة
Vehicle Identification Number
من رقم شاسيه العربية ممكن تعرف معلومات كثيرة عن عربيتك
بعضها مهم جدا و خاصة لما بتكون بتشترى عربية مستعملة
و عاوز تعرف سنة الموديل أو اللون الأصلى للعربية
و غيرها من المعلومات ، و ايضا لو كنت عاوز
تشترى عربية جديدة زيرو و عاوز تتأكد
من سنة الموديل أو بلد الصنع
و رقم التعريف ده ابتدى يكون الزامى على مصنعى السيارات
ابتداء من سنة 1981 و بيدق على شاسيه العربية و بيكون
غالبا تحت الزجاج الأمامى على اليمين ، و بتكون من
17 رمز ( رقم و حرف ) مزيج من الارقام
من 0 الي 9 و الحروف من A الي Z
باستثناء الحروف I,O,Q وذلك لتجنب
اخطاء القراءة وغير مسموح بوضع
رموز او فراغات في ال Vin
و كل رقم او حرف بيترجم لمعلومة معينة ، و الرقم ده
عامل زية بصمة الأصابع ، يعنى مش ممكن يتطابق
نفس الرقم لأكثر من عربية ودلوقتى حقولكم ازاى
ممكن نقرأ رقم التعريف و كل رمز معناه ايه
ببساطة على قدر الامكان
اولا : الرقم بيقرأ من الشمال لليمين بالترتيب
ثانيا : فى بعض الحروف مش بتستخدم زى
(I,O,Q)
ثالثا : الرقم التاسع بيكون رقم من صفر الى تسعة
او حرف X
رابعا : آخر خمسة رموز بيكونوا ارقام فقط
خامسا : خلى بالكم من الحروف الى بتتشابه
مع ارقام زى حرف B و رقم 8 بالأنجليزى
سادسا : الرمز العاشر فى الموديلات حتى
2000 لازم يكون حرف ( ماعدا U,Z )
و دلوقتى هنبين رقم كل رمز و بيدل على ايه
على سبيل المثال
الرقم او الحرف الاول يحدد الدولة التي صنعت فيها السيارة
الرمز الأول = بلد الصنع
رقم 1،4،5 امريكا رقم 2 كندا رقم 3 المكسيك
رقم 6 استراليا رقم 9 البرازيل
حرف J اليابان حرف K كوريا حرف L الصين او تايوان حرق M تايلاند حرف S انجلترا
حرف T المجر حرف V فرنسا حرف W المانيا حرف X روسيا حرف Y بلجيكا او السويد
حرف Z ايطاليا
الرقم او الحرف الثاني يحدد المصنع الذي قام بتصنيع هذه السيارة
الرمز الثانى = اسم المصنع
رقم 1 شيفورليه رقم 2، 5 بونتياك رقم 3 اولدزمبيل رقم 4 بويك رقم 6 كاديلاك
رقم 7 جى ام سى رقم 8 ساترون
حرف A اودى - جاجوار حرف B بى ام دبليو- دودج
حرف C كريزلار
حرف D مرسيدس حرف F فورد حرف G جنرال موتورز
حرف H هوندا
حرف L لنكولن حرف M ميركيورى حرف N نيسان
حرف P بلايموث
حرف T تويوتا حرف V فولفو
الرقم او الحرف الثالث يحدد نوع السيارة او قسم التصنيع وهذا
للاسف يختلف على حسب مصنعي السيارات وموديلاتها
الرمز الثالث = نوع المركبة
رقم 1 بيك اب رقم 2 استخدامات متعددة حرف W ركاب
الرقم او الحرف الرابع حتى الثامن يمثلان مميزات السيارة
مثل شكل الهيكل ,نوع المحرك,الموديل...الخ وهذا ايضا
يختلف بشكل كبير على حسب مصنعي السيارات وموديلاتها
#الرمز الرابع = الفئة
يعنى سيدان ، سبور ن فان ، كوبيه ، اثنين باب او اربعة
او اوتوبيس او شاحنة الخ
الرمز الخامس = نوع المحرك
بنزين - سولار - عدد السيلندرات ، السعة اللترية ، القدرة الخ
الرمز السادس = التجهيزات الأضافية
الرمز السابع و الثامن = الموديل
مثلا كورولا - ياريس - جولف - باسات الخ
الرمز التاسع = كود خاص بالمصنع
الرقم او الحرف التاسع يسمونه VIN accuracy check digit
وهو للتأكد من صحة الارقام السابقة لرقم الهيكل Vin
بيستخدم فى معادلة رياضية مع باقى الرموز لمعرفة
سلامة رقم التعريف الخاص بالسيارة ام لا
الرمز العاشر = سنة الصنع
الرقم او الحرف العاشر يحدد تاريخ صنع السيارة لاغلب السيارة
ولاينطبق على الشتروين والبيجو نلاحظ المحدد العاشر يتغير
مرة بالعد بالحروف و مرة بالعد بالارقام ويجب الانتباه الي
ذلك ويجب ان نعرف ان كل رقم او حرف يكرر نفسه
كل 30 سنة
A 1980 2010 L 1990 2020 Y 2000 2030
B 1981 2011 M 1991 2021 1 2001 2031
C 1982 2012 N 1992 2022 2 2002 2032
D 1983 2013 P 1993 2023 3 2003 2033
E 1984 2014 R 1994 2024 4 2004 2034
F 1985 2015 S 1995 2025 5 2005 2035
G 1986 2016 T 1996 2026 6 2006 2036
H 1987 2017 V 1997 2027 7 2007 2037
J 1988 2018 W 1998 2028 8 2008 2038
K 1989 2019 X 1999 2029 9 2009 2039
الرمز الحادى عشر = مكان مصنع التجميع الذي جمع السيارة
ان وجد او يتم وضع حرف X
الرمز الثانى عشر الى السابع عشر = رقم الشاسيه ( الذى يكتب فى الرخصة )
الرقم او الحرف الثاني عشر حتى السابع عشر يمثل تسلسل الانتاج
عند خط التجميع للمصنع وهو الرقم التسلسلي number
#El_Menoufia_Traffice_News
صورة مرور المنوفية.
 . | |
|
