دعـــــوة مظلـــوم
أدعى على شخـص نافـق واللا على الجانى
واللا حـرامى سـرقـنى من تــوبى وعــرّانى
واللاعـمـيــل من داخلنــــا والتــانى بــرانى
واللا أميــن للسيــاســـة ضيعـنى ورمـــانى
وغيــره مــرر عيشتنـــــا ع الــذل ربـّــانى
وهـوه فى قصـر عايـش فى العــز ونسـانى
أدعى على ميــن واللا مين والكل حراميه
واللا على راس كبيــــر زرع الهـوان فيـه
كـل كـلامـه هجــايص ووعـــــود هلاميـه
وحــزب فاشــل عقيــــم مليـــان حــراميه
زرعـوا الفسـاد فى البــلاد وسمموا الميـه
وكتـّاب لزوم المناصب فيهــم النفاق غيـّه
كســروا جنـاح كـل بلبــــل شـَدى بأغنيـه
أو أى شــاعـر جـمـيــل طـالـب بحــــريه
أدعى على مين واللا مين وراسـى محنيه
يـارب ســوّد عيشـيـتهــم ونـــــوّر ليــاليه
والكـل ياخــد عقابــه فى سجــون محليـه
ولا يفلــتوا زى واحــــد نــط من الخيـّــه
