البتانون

عزيزى
انت غيـــر مسجل .. بــــــادر بالتسجيل معنا
كى تتمكــــن من الاطـــــلاع على مواضيعـنا


البتانون

عزيزى
انت غيـــر مسجل .. بــــــادر بالتسجيل معنا
كى تتمكــــن من الاطـــــلاع على مواضيعـنا


البتانون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البتانون


 
الرئيسيةالبوابةالأحداثالمنشوراتأحدث الصورالتسجيلدخول

 

 آخــــر كـــــلام ( للشاعر : أمين الديب)

اذهب الى الأسفل 
2 مشترك
كاتب الموضوعرسالة
المستشار عثمان الكومى
المديـــــــــر العـــــــــــــام
المديـــــــــر العـــــــــــــام
المستشار عثمان الكومى


علـــم الدولــــة : آخــــر كـــــلام ( للشاعر : أمين الديب) Female31

آخــــر كـــــلام ( للشاعر : أمين الديب) Empty
مُساهمةموضوع: آخــــر كـــــلام ( للشاعر : أمين الديب)   آخــــر كـــــلام ( للشاعر : أمين الديب) Empty19/10/2008, 7:20 pm

آخــــر كـــــلام


آخــــر كـــــلام ( للشاعر : أمين الديب) 290354569

أخر كلام
بعد مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى أكتب
عن ولاد الكلب
والسفاح شارون
قول سهرت
نمت..بعد الفجر ما إدن
والعيال بيقومونى
صحصحونى
قمت مفزوع من منامى
هجت فيهم
جت مراتى قالت لى..مالك
إيه جرالك؟
ليه بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت وبسرعة قالت:
إيه دا أصله. طب وماله
يستحق الموت وأكثر
اللى يهرب من عياله
كنت فين م المغربية؟
تيجى بعد الفجر مادن؟
إنت فاكر إن دا ح يخيل على
شعر إيه؟
واللا إيه بتهببه.. وتقول قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه ناقصة
وإحنا مالنا
ما انت شايف . كله خايف
والمدافع همسه حايره..عالشفايف
وانت عارف
الصهاينة ناس قويه.. ومفتريه
واللى أدهى من داكله
لما يبقى الكل نايم.. وانت قال تكتب
قصيده!!
عن ولاد الكلب والسفاح شارون
أبقى نايمه!!
أسمعك بتقول شارون؟
من غير سلام ولا يحزنون!
انت فاهم إنه ح يهمه الكلام؟
واللا دول عايزين سلام؟
واللا ح يخاف من كلام؟
هو همه من كلينتون. واللابوش
واللاهمه من باراك.. واللاهمه من...!
واللا عايز تبقى شاعر؟
واللا من أبنود جنابك؟
واللا عايز تقديريه؟
قلت طبعاً
أى شاعر يستحق التقديريه
يستاهلها عن جداره
مش خساره
ليه يا خويا
هو طلع إسرائيل؟
واللا عمر فى الصحارا
حاجه تانيه!!
والقطاع العام بيخسر
كان منع عنه الخساره؟
واللاسكان المقابر
كان بنالهم كام عماره؟
واللاشغل ألف عامل
أو منعهم من الدواره؟
واللا وزع عالغلابة
ألف طن من الدقيق
واللاحتى كام شيكاره؟
فوق لروحك
هو خدها عن وهيبه
والأغانى لعبد حليم
مش عشان حل القضيه
القضية هى.. هى
واحنا فى الخيبه القويه!
قلت جاهله.
إنتى جاهله
انتى فاكره الشعر ساهل؟
دا اللى ينكر فضل شاعر
يبقى جاهل
قلبك ابيض
مش حترجع الا لما يحبسوك
عالكبر ويبهدلوك
انت بتقول يا سادتنا يا قادتنا..
ارفضوا تهديد أمريكا والتحيز لليهود؟
طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
عيش وهيص
شجع الأبطال ولادنا
اللى رفعوا راس بلدنا
مسخروا أولاد ناميبيا
واللا ليبيا.
عيش وهيص..
انت يعنى كنت غاندى..؟
واللا حافظ واللا شوقى؟
واللا بيرم أو جاهين؟
مانت طول عمرك بتكتب!
حد سمعك؟
قول لى مين؟
والا كام واحد بيحضر
فى النداوى ف أى حته
حتلاقيهم..خمسه سته!
أما لو تكتب أغانى
تبقى نجم ولك سماك
واللى جاى يطلب لقاك
واللى يتصور معاك
والصحافة والإذاعه
والبرامج..
كله ح يسجل معاك
زى شعبان عبدالرحيم
واللا شوف جمهور حكيم
تبقى شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب والذوات
بالخصوص صنف البنات
هو دا آخر كلامى
تمشى بيه.. أو تفارق من سكات
ميت يمين ماتقول قصيده
لاملا كل الدار صوات
واللى يسأل تانى عنك
راح اقول له غار ومات!



للشاعر : أمين الديب


آخــــر كـــــلام ( للشاعر : أمين الديب) 1pi110
آخــــر كـــــلام ( للشاعر : أمين الديب) 1g72110
آخــــر كـــــلام ( للشاعر : أمين الديب) 1_uy510


عدل سابقا من قبل عثمان الكومى في 28/11/2008, 11:03 pm عدل 1 مرات
الرجوع الى أعلى الصفحة اذهب الى الأسفل
السيد القاضي
كبيــــــــــر المشرفيـــــــــن
كبيــــــــــر المشرفيـــــــــن
السيد القاضي


علـــم الدولــــة : آخــــر كـــــلام ( للشاعر : أمين الديب) Female31

آخــــر كـــــلام ( للشاعر : أمين الديب) Empty
مُساهمةموضوع: رد: آخــــر كـــــلام ( للشاعر : أمين الديب)   آخــــر كـــــلام ( للشاعر : أمين الديب) Empty31/10/2008, 1:32 am

الحقيقة هذا الرجل شاعر مميز جدا و قد استمعت لعدد من قصائده من حوالي 3 سنوات كما أن له أشرطة
و ما يميز هذا الشاعر (من وجهة نظري)أن كل كلمة يكتبها لها معنى و مغزى و تعبر تعبيرا صادقا عما يحدث
و هذا الشاعر و غيره هو نتيجة طبيعية لما تمر به البلد من أزمات كما أن المقاومة العراقية نتيجة لما تمر به العراق من حروب!!
نسأل الله صلاح الأمور
الرجوع الى أعلى الصفحة اذهب الى الأسفل
المستشار عثمان الكومى
المديـــــــــر العـــــــــــــام
المديـــــــــر العـــــــــــــام
المستشار عثمان الكومى


علـــم الدولــــة : آخــــر كـــــلام ( للشاعر : أمين الديب) Female31

آخــــر كـــــلام ( للشاعر : أمين الديب) Empty
مُساهمةموضوع: رد: آخــــر كـــــلام ( للشاعر : أمين الديب)   آخــــر كـــــلام ( للشاعر : أمين الديب) Empty31/10/2008, 5:10 am

السيد القاضي كتب:
الحقيقة هذا الرجل شاعر مميز جدا و قد استمعت لعدد من قصائده من حوالي 3 سنوات كما أن له أشرطة
و ما يميز هذا الشاعر (من وجهة نظري)أن كل كلمة يكتبها لها معنى و مغزى و تعبر تعبيرا صادقا عما يحدث
و هذا الشاعر و غيره هو نتيجة طبيعية لما تمر به البلد من أزمات كما أن المقاومة العراقية نتيجة لما تمر به العراق من حروب!!
نسأل الله صلاح الأمور

آخــــر كـــــلام ( للشاعر : أمين الديب) 873245184


آخــــر كـــــلام ( للشاعر : أمين الديب) 1pi110
آخــــر كـــــلام ( للشاعر : أمين الديب) 1g72110
آخــــر كـــــلام ( للشاعر : أمين الديب) 1_uy510
الرجوع الى أعلى الصفحة اذهب الى الأسفل
 
آخــــر كـــــلام ( للشاعر : أمين الديب)
الرجوع الى أعلى الصفحة 
صفحة 1 من اصل 1
 مواضيع مماثلة
-
» البت باتعــــــــــه ( للشاعر : أمين الديب)
» لا للمحاكمات العسكرية ( للشاعر : أمين الديب)
» مادام اللعب ع المكشوف ( للشاعر : أمين الديب)
» يا عم أمين مهداة إلى الشاعر أمين الديب
» الشاعر أمين الديب ..النكله 1

صلاحيات هذا المنتدى:لاتستطيع الرد على المواضيع في هذا المنتدى
البتانون :: همـــس المشــاعر(شـــعر * نثــــر)-
انتقل الى: